Marian Rivera, magbabalik teleserye na sa GMA
Photo Inside Page
Photos
Ibinahagi ng King of Talk na si Boy Abunda sa kanyang programang Fast Talk with Boy Abunda ang pagbabalik teleserye ng Kapuso Primetime Queen na si Marian Rivera.
Ayon sa “Today's Talk” ng batikang talk show host, naganap na kaninang umaga ang story conference para sa bagong seryeng ito, kung saan pinag-usapan ng stellar cast ang kuwento nito.
Base sa ipinakitang larawan sa Fast Talk with Boy Abunda, makakasama rito ni Marian sina Gabby Concepcion, Max Collins, Gabby Eigenmann, Raphael Landicho, Kiray Celis, Tart Carlos, Caitlyn Stave, at Josh Ford.
Ikinuwento naman ni Boy na sobrang espesyal ni Marian sa Fast Talk with Boy Abunda dahil siya ang naging pinakaunang guest nito sa kanyang programa.
“Alam n'yo po ay magkaibigan kami ni Marian, but, because she was our first guest, she will always always be special to us dito po sa Fast Talk with Boy Abunda. Salamat talaga, Marian.
"Kami ang nakapagsimula and we were honored by your presence, and you will always be special to us. Salamat, salamat,” pagbabahagi niya.
Inalala rin ng seasoned TV host ang kanilang naging usapan noon ni Marian sa Fast Talk with Boy Abunda.
Aniya, “Sinabi ni Marian na hinahanap na rin talaga niya ang pag-arte. Nais ko lamang malaman ni Marian na hinahanap talaga siya ng sambayanang Pilipino at inaantay ang primetime queen na magbalik telebisyon. Mabuhay ka, Marian.”
Patuloy naman na tumutok sa Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.
SAMANTALA, BALIKAN ANG MGA NAGING SAKRIPISYO NI MARIAN RIVERA PARA SA KANYANG ROLES SA IBA'T IBANG GMA TELESERYE SA GALLERY NA ITO.
